浪．居酒屋 (已結業)

同老死行完希慎,行过去登龙街揾食集中地 食饭,记得朋友介绍有间新开既日本野Nami Izakaya上到餐廰,地方好宽落，好有日本居酒屋格调，真系一解香港人冇得返乡下的思乡病。赞见到餐牌，真系不得了，串烧，寿司，天妇啰，和牛，手卷咩到齐，可惜得两个人，唯有食住几样解解日本之苦啦，哈哈龙虾蟹子沙律，真系色香味俱存，龙虾份量足，啖啖肉兼爽口弹牙，配埋蟹子，口感味十足，龙虾鲜甜，蟹子有种海水味，味蕾大刺激，卷埋紫菜，又多一重口感，正。软壳蟹牛油果卷，唔同出面个D，软壳蟹刚炸完，仲系热既，卜卜脆，加埋好多片牛油果，再包住D饭，用心之作，好有家feel海胆带子大叶天妇罗,特色嘢，样靓仔，身材丰满,味道鲜，海胆大大一片，鲜甜无比，入口即溶，下面带子超大只，海胆加带子超夹，鲜加甜，绝配。吉烈广岛蚝，虽然系吉烈但绝对唔系粉加蚝，外层薄薄粉包住，炸到金黄色，食落松化一D油腻都冇，超正食埋个甜品，菠萝雪葩真系大满足!