深井陳記燒鵝酒家

营业中

休息中

一带有好几间「陈记」，今次系去小型商场地下右边有烧味部𠮶间。入去系行十几步，左转即见舖面正门。预订咗今次一行8人以上，要分枱，所以俾咗间门口直入、容纳8人枱及6人枱嘅房子俾我地。人太多加上天气爆热冇咩胃口就变成选择困难，所以索性拣个8-10位用B餐就算，再另外散叫几味。烧鹅率先嚟到，勉强几做微暖。算唔上深井代表作，皮偏靭唔够香。散叫之一冬瓜盅——料有：蟹柳、带子、脆肉瓜粒、莲子、猪肉粒、冬菇、鹅肉粒。上到枱侍应大叔已分好一碗碗，所以将相得番个冬瓜壳。汤味清淡，当例汤饮清热解暑可以。散叫之二䜴油皇鹅肠，肠用瘦肠易入口，垫底大大堆银芽，如果想清清哋唔想要䜴椒炒可拣。椒盐鲜鱿拼九肚鱼相对其他𩠌高分低，细细旧易入口，起码脆浆薄得嚟够脆。除咗冬瓜盅嚟到热腾腾外，其余𩠌唔知系咪放咗一段时间先上菜，普遍都摊冻哂。整体𩠌菜落盐手势过轻，𩠌菜比一般菜馆淡；房内电视机预设㩒咗睇赛马，侍应大叔上菜时因利成便停留喺呢间已经冇乜多余虚位嘅细房睇赛马，感觉轻度滋扰。