The Cool Cousins Cafe & Noodle Bar

营业中

休息中

🍔🍟🍜当汉堡遇上金边粉▫️QR code 落单☑️ 香煎法式鸭髀 •金边粉• 冬阴茄汤 •泰式鱼饼 - $98首先个汤底值得一赞，汤底比较杰身，茄味浓郁，应该有好多蕃茄蓉，酸酸甜甜，微辣开胃，冬阴功味都食到d但唔太出，但整体汤底嘅味道我几钟意，食完都仲想饮晒d汤，而金边粉亦都好挂汤。鸭髀都算大只，外皮煎香左，而肉系软淋淋，好易咬开，几好食。鱼饼是另上的，热辣辣煎香左，味道绝对唔会比泰国餐厅差。除左金边粉同鸭髀，汤粉内仲有大量好脆口嘅猪皮，亦有芫荽、葱丝及3片酸萝卜。☑️ 招牌72 小时安格斯牛小排汉堡 - $121汉堡包皮有煎香，都脆脆地，而菜用上羽衣甘蓝，配上芝士酱，味道突出。上面仲有d焦糖洋葱、烤菇，都好香。而慢煮牛小排好厚身，牛肉味好浓，亦吾会过熟变到好韧，配上BBQ酱汁，味道好夹。另有沙律及薯条伴碟，薯条新鲜炸起，十分香脆，沙律菜新鲜爽口，配上黑醋汁解滞。唯价格稍贵。☑️泰式炸虾饼 - $19虾饼有2件，炸得香脆但又吾会油淋淋，虾味都好香，个人认为比鱼饼好食。