樂園粉麵專家

营业中

休息中

行经牛头角道，唔想食咁heavy嘢，见到有粉面专家店，有我嘅卖飞佛咪走入去试吓啰，未入去之前就睇到佢冇乜装修，招牌白底红字，个款睇萿好街坊好traditional嘅面舖，好似好有历史咁嘅感觉。入到去见门口旁咁啱有个凹位，最啱我呢啲单拖客坐，我谂都唔驶谂就叫咗碗牛什河。啖汤都几香甜，金钱肚都半爽稔嘅，猪大肠又有肥膏，有油香，牛膀就例牌得一块，罕有嘢，我明嘅，然后就食番啖河粉，做乜厚过猪皮咁呀?即时倒扣廿分，就好似将神奇女侠嫁畀猪八戒咁，嘥料呀! 河粉断估都唔会系自己制造嘅，攞货都唔好贪平，而家香港人食嘢都嘴刁好多，唔系学以前咁塞饱就算，而且碗面唔系平，唔系$20，系$35，所以应该有番应有嘅质素，店内所有员工都系上咗年纪嘅，应该都比我识食，而且自诩专家，就唔好咁失威喇。