PHI Coffee & Pancake (尖沙咀中心)

营业中

休息中

虽然已经冇推出任何嘅疏乎厘优惠，但系刚好呢一间餐厅就喺尖沙咀最热门嘅圣诞装饰隔离，可以透过透明玻璃窗睇埋灯饰！✨蜜瓜在初夏升温时疏乎厘绝对系餐厅嘅大热皇牌产品，上枱空气感十足，「震腾腾」的质感真系令人好想一啖食咗佢哋(⁎⁍̴̛ᴗ⁍̴̛⁎)餐厅采用日本直送嘅新纪元卵同韩国低筋面粉，所以梳乎厘确系相当细滑松软。有别于一般蓝莓、士多啤梨等等嘅选择，餐厅亦都提供蜜瓜口味，令到甜品都可以食得好清新，食一啖衬一啖新鲜水果，罪恶感即刻减一半。✨汉堡扒全日早餐非常丰富嘅摆盘、除咗烟肉、牛油果、烟三文鱼、煎蛋之外，重头戏莫过于喺呢块汉堡扒，非常厚身，入口带肉汁，另外亦都非常欣赏佢个烩牛面颊，肉质软入味。✨浓鲜龙虾意大利饭真系有粒粒龙虾肉摆喺面，意大利饭嘅口感刚好，酱汁浓郁，而且整体并无好滞口(・ω・)ノ✨班兰椰子咖啡斑兰嘅糖浆沉浸系度部，顶部嘅奶泡非常顺滑，咖啡带少少酸口。✨提拉米苏咖啡佢嘅造型完全令我冇后悔夜晚都要饮咖啡！上面嘅忌廉相当坚挺，唔会太容易溶化于咖啡之中，不过食嘅时候要小心啲，因为会容易被呛亲。