影片
更多
2024-02-06
1843 浏览
好彩之前睇KOL介绍过呢度，如果唔系真系估唔到呢度有嘢食、有嘢睇。餐厅坐位唔多，枱椅都靠著水族箱，可边欣赏水母泳姿、边享受美食。跟友人各自点了一个Arctic Set，主菜分别系软壳蟹意大利烩饭＆羊扒。 前菜：Ricotta Cheese and Tomato Garden Salad沙律菜、蕃茄、无花果、无花果珍珠、芝士、有沙律醋嘅酸，但同时带有蔬果味嘅甜，作为开胃前菜，perfect! 餐汤：Lobster Bisque with Crab Meat仪式感极重地上枱，先送上攞盘精致嘅蟹肉及餐包，然后即席慢慢将浓稠嘅龙虾汤淋上，龙虾汤入口细滑，味道既鲜且浓。 主菜：Crab Risotto with Soft Shell Crab软壳蟹炸得非常干脆，惹味非常。Risotto 煮得好好，juicy、creamy、又有咬口。Lamb Rack with Homemade Gravy羊扒熟成度刚刚好，软腍轻易切开，切开后仍然见到粉嫩嘅肉色，自家制浓汁味道非常浓郁，啱重口味人士。伴碟嘅薯蓉同蔬菜有惊喜，竟然有radish樱桃萝卜，又爽又脆；蕃茄多汁、小红萝卜脆嫩清甜。甜品：芝士蛋糕，有浓郁嘅
餐厅坐位唔多，枱椅都靠著水族箱，可边欣赏水母泳姿、边享受美食。
跟友人各自点了一个Arctic Set，主菜分别系软壳蟹意大利烩饭＆羊扒。
前菜：Ricotta Cheese and Tomato Garden Salad
沙律菜、蕃茄、无花果、无花果珍珠、芝士、有沙律醋嘅酸，但同时带有蔬果味嘅甜，作为开胃前菜，perfect!
餐汤：Lobster Bisque with Crab Meat
仪式感极重地上枱，先送上攞盘精致嘅蟹肉及餐包，然后即席慢慢将浓稠嘅龙虾汤淋上，龙虾汤入口细滑，味道既鲜且浓。
主菜：
Crab Risotto with Soft Shell Crab
软壳蟹炸得非常干脆，惹味非常。Risotto 煮得好好，juicy、creamy、又有咬口。
Lamb Rack with Homemade Gravy
羊扒熟成度刚刚好，软腍轻易切开，切开后仍然见到粉嫩嘅肉色，自家制浓汁味道非常浓郁，啱重口味人士。伴碟嘅薯蓉同蔬菜有惊喜，竟然有radish樱桃萝卜，又爽又脆；蕃茄多汁、小红萝卜脆嫩清甜。
甜品：
芝士蛋糕，有浓郁嘅芝士味，同时有浓稠嘅柠檬汁舖面，两者同时入口，酸酸嘅柠檬汁会稍稍盖过芝士味。喜欢饼底够松脆。
可能因为置身在水母旁进食，食物美味之余，看著水母优美嘅动态，过程十分疗愈，呢个晚餐简直系至舒服嘅享受。
张贴
