影片
更多
2024-12-07
2032 浏览
疫情之前嚟过呢间餐厅，不过后来佢哋冇再做午餐同晚餐，就一直冇嚟。最近竟然发现餐厅重新开放午餐（虽然仍然系冇晚市），同同事lunch过去快闪食咗一餐！好开心餐厅嘅水准依然保持得好好，餐牌上面嘅嘢同以前已经截然不同，而家下昼以轻盈嘅菜式为主，例如有salad, sourdough toast、蟹肉意粉，而且素食嘅选择比例都算多。因为得两个人，我哋净系叫咗一个八爪鱼沙律、一个鲜橙鸭胸酸种多士、蟹肉海胆汁意粉、法式西多配杂莓。最钟意个鸭胸多士，酸酸甜甜嘅橙cream，配搭埋慢煮嘅鸭胸肉，鲜嫩清新。八爪鱼沙律用八爪鱼脚啖啖肉好鲜味，配搭咗青瓜蕃茄薯仔。（不过原来有洋葱，个人比较唔钟意沙律有洋葱）蟹肉意粉系用松叶蟹脚肉，意粉捞好海胆汁，好香 。甜品嘅法式多士居然有两块，入面系吸满晒蛋浆加埋满满啲Cinnamon糖及莓，完美嘅午餐句号！最后不得不提嘅系店员嘅服务，份外觉得他们嘅细心。当日太阳有点猛，佢哋见我哋张枱晒，会主动过嚟帮我哋落帘 。同事系大肚婆，又会细心查问有冇啲乜嘢唔食得 ，有个服务生主动攞咗个咕𠱸过嚟俾佢垫腰。同店员倾偈，佢哋话好快就会推出lunch set，到时set 嘅主菜会间唔中转
好开心餐厅嘅水准依然保持得好好，餐牌上面嘅嘢同以前已经截然不同，而家下昼以轻盈嘅菜式为主，例如有salad, sourdough toast、蟹肉意粉，而且素食嘅选择比例都算多。
因为得两个人，我哋净系叫咗一个八爪鱼沙律、一个鲜橙鸭胸酸种多士、蟹肉海胆汁意粉、法式西多配杂莓。
最钟意个鸭胸多士，酸酸甜甜嘅橙cream，配搭埋慢煮嘅鸭胸肉，鲜嫩清新。八爪鱼沙律用八爪鱼脚啖啖肉好鲜味，配搭咗青瓜蕃茄薯仔。（不过原来有洋葱，个人比较唔钟意沙律有洋葱）
蟹肉意粉系用松叶蟹脚肉，意粉捞好海胆汁，好香 。甜品嘅法式多士居然有两块，入面系吸满晒蛋浆加埋满满啲Cinnamon糖及莓，完美嘅午餐句号！
最后不得不提嘅系店员嘅服务，份外觉得他们嘅细心。当日太阳有点猛，佢哋见我哋张枱晒，会主动过嚟帮我哋落帘 。同事系大肚婆，又会细心查问有冇啲乜嘢唔食得 ，有个服务生主动攞咗个咕𠱸过嚟俾佢垫腰。
同店员倾偈，佢哋话好快就会推出lunch set，到时set 嘅主菜会间唔中转下，我哋呢啲喺附近返工嘅人，可以常常嚟啦！
张贴
