Feather & Bone

营业中

休息中

前阵子睇电视介绍扒房，于是上OpenRice揾吓边度食牛扒好，然后发现咗呢度。入坐后当然系去肉柜拣扒，个肉柜唔算大不过可能因为啲扒全部都真空包装咗，所以全部都系放一件喺度同埋放得好密好多选择，所以认真睇就要花啲时间，不过我未嚟之前已经打算食T骨扒，所以好快就拣咗件澳洲草饲T骨扒，返到埋位店员嚟确认订单同时我就点咗炸鱼薯条同炸大啡蘑菇，之后坐咗一阵炸鱼薯条同蘑菇上桌，先食薯条，完全唔系正宗软淋淋果种，薯条外层非常脆口内层就非常松化，炸鱼皮脆但系鱼肉唔系平时松软果种，有啲密度同好好咬好有鱼味，连碟边平平无奇既青豆都好好味，成碟炸鱼薯条都好高质素。炸啡菇既脆皮由开餐到结尾都系脆既，菇味浓厚，极品。食完炸鱼到牛扒上场，块扒接近有2吋厚，肉眼果边松化，西冷果边好咬口油花香浓，成块扒好有牛味同淡淡炭烤香味，无论就咁食，点芥末或茄汁食都系极品。餐饭食完我同老婆都好满意，老婆重话下次嚟试其他野。