影片
更多
2022-03-07
623 浏览
疫情咁厉害，最近已放弃出街食饭喇。如果唔系返工，我就只系留喺屋企同狗狗折埋。不过亦因为咁，呢排比平时更多从外面买蛋糕、甜品返屋企，算系疫情下的highlight！早前狗狗爸爸转寄一则报导，系关于艺人汤怡喺南丰纱厂开咗一间芝士蛋糕店，主打巴斯克焦香芝士蛋糕。虽然我只知道呢种芝士蛋糕的表面系好似焗㶶咗咁，但感觉蛋糕店既然只卖呢款芝士蛋糕同曲奇，唔贪心，应该水准唔错，所以好想试下。前阵子，狗狗爸爸终于外卖一件，一齐品尝。不过，原本佢想买原味或焙茶味，可惜去到饼店时，两款都冇切饼，于是只好买咗班兰味。件蛋糕同出面街的切饼差唔多大细，$58，我觉得都算贵。我哋一件两份分。蛋糕食落软绵，好味。虽然我唔识整饼，但外面好多芝士饼里面好多时都过硬（可能同放雪柜储存有关？），不过呢件饼我哋都系直接由雪柜拎出嚟就食，但入面的质感系软绵。蛋糕外面焦香，焗㶶咗咁，系呢款饼的特色，我虽然唔系太喜欢呢种焗法，不过外面硬、㶶的质感同口感的确同入面的软滑、轻怡系一个对比，系佢的特别之处。班兰味喺蛋糕颜色上可以见到，而味道就比较轻淡。以切饼嚟讲，件蛋糕无疑系贵咗少少，不过因为我哋系将蛋糕切开两份食，食完系感觉满足，而平均
早前狗狗爸爸转寄一则报导，系关于艺人汤怡喺南丰纱厂开咗一间芝士蛋糕店，主打巴斯克焦香芝士蛋糕。虽然我只知道呢种芝士蛋糕的表面系好似焗㶶咗咁，但感觉蛋糕店既然只卖呢款芝士蛋糕同曲奇，唔贪心，应该水准唔错，所以好想试下。
前阵子，狗狗爸爸终于外卖一件，一齐品尝。不过，原本佢想买原味或焙茶味，可惜去到饼店时，两款都冇切饼，于是只好买咗班兰味。
班兰味巴斯克焦香芝士蛋糕
$58
44 浏览
0 赞好
0 留言
件蛋糕同出面街的切饼差唔多大细，$58，我觉得都算贵。我哋一件两份分。蛋糕食落软绵，好味。虽然我唔识整饼，但外面好多芝士饼里面好多时都过硬（可能同放雪柜储存有关？），不过呢件饼我哋都系直接由雪柜拎出嚟就食，但入面的质感系软绵。蛋糕外面焦香，焗㶶咗咁，系呢款饼的特色，我虽然唔系太喜欢呢种焗法，不过外面硬、㶶的质感同口感的确同入面的软滑、轻怡系一个对比，系佢的特别之处。班兰味喺蛋糕颜色上可以见到，而味道就比较轻淡。
以切饼嚟讲，件蛋糕无疑系贵咗少少，不过因为我哋系将蛋糕切开两份食，食完系感觉满足，而平均$29一小件亦唔算贵。期待有机会可以喺日后买到焙茶味，感觉焙茶同焦香呢个元素会更夹！
题外话，报导话靓女老板娘可能会坐镇店舖招呼客人，于是我就问狗狗爸爸买饼有冇见到靓女，点知佢话买完就走，冇留意对方靓唔靓㖞。。。
张贴
