梅丘壽司の美登利総本店 (青衣城1) (已結業)

行开青衣城，经过见到，可能系因为疫情关系，好少人。亦都系因为咁，决定入去试吓。其实之前初初开张嘅时候已经想食，不过𠮶阵时经常排长龙，所以一直未试过，今次见人少少，就去试吓。基本上系隔一张枱先至会有一个客人，感觉上安全。睇完餐牌，谂左一阵，最后叫个极上吞拿鱼饭，好快就已经嚟咗汤同埋蒸蛋，隔多几分钟，主菜上场，见到同餐牌张相一样，好多吞拿鱼，系吞拿鱼嘅唔同部份，好新鲜。份量都多，另外仲有汤同埋蒸蛋，个蛋几好味，个汤就有啲古怪，可能我一向不大喜欢味增汤。另外环境清静，感觉上都好干净。会再去食。