影片
更多
2021-01-11
2646 浏览
老爷奶奶话上次佢哋两个去港湾壹号饮茶时，见到枱与枱之间隔得好开。如果四个人都可以坐喺同一张台，不过中间有两块透明胶板隔住，感觉上都几安全。因为好耐冇一家人一齐出去食午餐，所以今日终于出动喇。餐厅安排咗我哋四个坐一张平时应该系坐六人嘅枱。张枱中间放咗两个透明胶板。我觉得我哋四个唔单只相隔1.5米，直头隔2米添😂大家都保持非常安全嘅距离！不过有D搅笑系因为隔咁远，有时听唔清楚对方讲乜嘢，要读唇先沟通到😆仲有一样搞笑系，当点心嚟到，例如：虾饺4粒，要一边枱先夹，然后再要企起身，伸手跨过透明胶板递过去，或者好似玩传波游戏咁pass 俾隔离😂真系疫情之下先体验到呢种饮茶方式！讲返食物，每一样都系即叫即做（因为有个小朋友霸住我个电话，所以影唔到点心嘅相）唔紧要啦，酒店水准系不用怀疑，全部都材料都好新鲜，味道都好好。➡️「山珍酱鹅肝和牛松炒饭」（$145/碗）山珍酱系用咗D菇类腌制嘅酱，食落有少少松露味，饭粒分明，有镬气。不过我食唔到鹅肝呢，扣少少分😅➡️「瑶柱蟹肉炆鸳鸯米」（$135/碗）蟹肉好鲜甜，唔会食到碎骨！Kester 有时如果食蟹肉食到碎骨，佢会即刻罢食。今次佢全部食晒，所以证明厨房手功唔错
餐厅安排咗我哋四个坐一张平时应该系坐六人嘅枱。张枱中间放咗两个透明胶板。我觉得我哋四个唔单只相隔1.5米，直头隔2米添😂大家都保持非常安全嘅距离！不过有D搅笑系因为隔咁远，有时听唔清楚对方讲乜嘢，要读唇先沟通到😆仲有一样搞笑系，当点心嚟到，例如：虾饺4粒，要一边枱先夹，然后再要企起身，伸手跨过透明胶板递过去，或者好似玩传波游戏咁pass 俾隔离😂真系疫情之下先体验到呢种饮茶方式！
讲返食物，每一样都系即叫即做（因为有个小朋友霸住我个电话，所以影唔到点心嘅相）唔紧要啦，酒店水准系不用怀疑，全部都材料都好新鲜，味道都好好。
➡️「山珍酱鹅肝和牛松炒饭」（$145/碗）
山珍酱系用咗D菇类腌制嘅酱，食落有少少松露味，饭粒分明，有镬气。不过我食唔到鹅肝呢，扣少少分😅
➡️「瑶柱蟹肉炆鸳鸯米」（$135/碗）
蟹肉好鲜甜，唔会食到碎骨！Kester 有时如果食蟹肉食到碎骨，佢会即刻罢食。今次佢全部食晒，所以证明厨房手功唔错！鸳鸯米嘅粉丝烟烟靭靭，我好钟意呀😊
➡️「龙虾汤鲜虾蟹肉灌汤饺」（$155）
只灌汤饺胀卜卜，材料十足，而且个饺皮够薄。龙虾汤就一定唔系好似西式嘅lobster basque 咁浓，稀D，适合非重口味人士。
服务方面，所有waiter 都好有礼貌同态度专业。佢哋会时时帮忙斟茶同有时帮手递点心添。只系有一位waiter, 当你叫佢时，佢会应你，但系语气比较俗D，佢会话：「你等阵先！」我哋叫佢几次，佢每次都系咁样应我哋。我觉得佢如果话「请等一等！」或只系举一举手示意都会令人感觉舒服啲，话晒我哋唔系喺茶餐厅。另外，呢位waiter 仲有一D体味添😰我个人非常介意体味呢一方面，尤其系同饮食有关。每次佢帮我斟茶或换碟，我都要闭一闭气。我觉得从事餐饮，要接触客人嘅服务员都应该留意埋个人卫生问题，避免对客人用膳期间作出影响。
张贴