串 (已結業)

呢家疫情严峻好多餐厅都无开，最近经过漆咸围道，发现新开咗一间串烧店，咁当然要试试，餐厅营业时间由下午六点至凌晨两点，各位夜游人有口福喇。😍自己同朋友咩都想试，所以叫咗好多种类，另外仲有啲限定嘅食物会写系个白板到。烧帆立贝每粒都好大粒，配上餐厅自家制嘅烧烤汁相当惹味 ; 蒜蓉大扇贝亦相当出色，蒜香味劲浓郁。招牌特制烧鳝柳超级好食，鳝柳完全无腥味，而且肉质细腻，外脆内嫩 ; 浦烧特级鳗鱼啖啖肉。盐烧厚砌牛脷睇落咁厚身以为会好韧，点知食落松化又入味，都几有惊喜。另外牛筋丸、多春鱼、猪颈肉同叉烧粒果啲都唔错，牛筋丸肉味浓又无根 👍🏻 多春鱼够香口。