博多拉麵別天神 (已結業)

呢段时间真系好少出门，今日同朋友出北角剪头发都无突登话想去揾野食，咁岩俾我系转角位见到间拉面店，净系个门口都已经令我地引唔住冲入去，太耐无食拉面了一入黎就见到两部自助机，店员都好有心机教我地用。我就点佐一个招牌别天神拉面餐，都几抵，连沙律 或者饺子 加埋野饮都系105 ，朋友就点佐个虾味噌豚骨汤面餐，我叫饺子，佢叫沙律，咁就可以SHARE食。先黎系个沙律，卖相真系同相一样咁靓，仲要俾想像中大份，够晒两个人SHARE呢个叫小龙虾蟹子沙律，紫菜脆卜卜就基本野啦，但估唔到个沙律真系起多小龙虾，大大旧，用紫菜包住食真系超级正跟住就到我个别天神拉面啦细面，非常足料，佢唔系个种非常杰身同埋好重油脂既汤底，几岩香港人口味，而且食得出真系好渨厚猪骨汤味，唔错。值得一提系呢间店虽然系小店，但佢既配料俾好多大型名店都多，任你自己去调配适合自己既口味，当然少不了我最爱既辣芽菜啦朋友既虾味噌豚骨汤面都相当出色。用佐超级多樱花虾，好鲜好足料。呢个份料呢个料但卖紧都系115 已经有晒成个SET 真系超级抵，其实剩系呢个面都已经值回票价。饺子都做得好好，够热，皮底都仲好脆。估唔到咁耐无出黎，一出黎又俾我试到间好野。