影片
更多
2020-11-29
142 浏览
近日，疫情开始有反弹嘅迹象，不过趁仲未好严重，都想同家人一齐庆祝生日。今次就拣咗呢间位于太古的中式菜馆——金公馆。是日系星期五，七点都唔算好多人，我哋入座之后就决定菜单！第一个菜就系锅巴脆皮糖醋鱼，锅巴炸到脆卜卜，鱼肉亦都外脆内软，连细骨都可以食到，蘸埋糖醋汁，非常开胃，推荐！第二个就系招牌北京填鸭，鸭片厚薄适中，又脆口，连青瓜同京葱丝一齐食，加埋甜酱同芝麻酱，令人流哂口水！第三个就系小炒——霸王脆骨虾球，虾球爽口弹牙，辣辣哋，好惹味！第四个就系好出名嘅传统名菜——夫妻肺片，佢嘅肺片好入味，又爽口，对于钟意食辣嘅我就觉得好正，想拎啲辣汁去捞饭食！食完四个菜式之后，系时候要食个甜品滋润下，呢个用桂花做嘅桂花冰粉唔会太甜，味道啱啱好，啖啖桂花嘅香气，用嚟收尾简直一流！总括嚟讲，今次嘅生日饭非常满意，见到屋企人食得咁开心，我就开心，希望疫情快啲过去，我哋再可以开开心心咁去食过！
是日系星期五，七点都唔算好多人，我哋入座之后就决定菜单！
第一个菜就系锅巴脆皮糖醋鱼，锅巴炸到脆卜卜，鱼肉亦都外脆内软，连细骨都可以食到，蘸埋糖醋汁，非常开胃，推荐！
第二个就系招牌北京填鸭，鸭片厚薄适中，又脆口，连青瓜同京葱丝一齐食，加埋甜酱同芝麻酱，令人流哂口水！
第三个就系小炒——霸王脆骨虾球，虾球爽口弹牙，辣辣哋，好惹味！
第四个就系好出名嘅传统名菜——夫妻肺片，佢嘅肺片好入味，又爽口，对于钟意食辣嘅我就觉得好正，想拎啲辣汁去捞饭食！
食完四个菜式之后，系时候要食个甜品滋润下，呢个用桂花做嘅桂花冰粉唔会太甜，味道啱啱好，啖啖桂花嘅香气，用嚟收尾简直一流！
总括嚟讲，今次嘅生日饭非常满意，见到屋企人食得咁开心，我就开心，希望疫情快啲过去，我哋再可以开开心心咁去食过！
张贴
