Outback Steakhouse (翡翠明珠廣場) (已結業)

系疫情同防疫措施影响下，D食肆真系好难做，尤其系游客区D有名食肆。今日行过铜锣湾outback，佢做紧堂食同外卖优惠，外卖优惠比堂食低但我都系选择堂食因为个地方系几好坐。我系下午2点几去吃唔使等位，我估系lunch时间一样要排队。睇番个 set menu明显价钱系平咗，因为标名打咗折扣，不过个 set就无咗沙律，即系包餐汤，黑糖面包(依然系无限添加)，主菜同一杯饮品。今次叫咗凯撒沙律同猪仔骨，outback d餐汤一向都咁浓郁好饮，凯撒沙律D菜几新鲜，D虾用胡椒煮过好好味， 唯独沙律酱不足够， 捞得唔系好匀循， 猪仔骨系配薯条嘅，等我先讲下outback嘅薯条我一直觉得好有水准好好味， 大大条唔似得𠮶啲快餐店𠮶啲又细又瘦呀， 个猪仔骨唔知系咪因为价钱下调个问题令到佢份量比以前少冇咗几啖肉食， 不过个味道依然系好味既。 食完个餐依然觉得唔系好够饱，再叫多个黑糖面包食， 如果冇做特价嘅话我觉得应该系会食得饱嘅， 依家免费会员(App申请一日后先生效，请提早申请)埋单仲有九折，真系世界难捞