平靚正西餐 (已結業)

最近因为疫情关系 好多时都留系屋企食 甚少出外 今日嘅午餐选择左叫外卖 帮衬下良心小店《意式肉酱扁意粉》呢只肉酱比较唔同我哋平时食到𠮶只味道 香料味会重啲 味道亦都会酸少少 几开胃 唔错《蘑菇杂菌饭》三个主菜里面最钟意就系食呢个饭 蘑菇同三色椒同埋洋葱一齐炒过之后好香 再加上酱汁好浓郁 正😋《香蒜肉粒意大利粉》就咁睇个名以为唔辣 点知一打开见到咁多红色一点点就心知不妙 唔食得辣嘅我觉得好辣啊🥵虽然用蒜蓉炒好香 但我最终都系顶唔顺全部畀晒男朋友食😹 食得辣嘅朋友可以try try佢 《香脆蒜蓉包》因为比个盖焗住嘅关系有倒汗水 所以一打开嘅时候已经淋左 但相信系因为外卖嘅关系 如果堂食应该会好脆 最终我哋选择左用气炸锅翻热 唔使讲啦 当然系超正🤣《墨西哥蕃茄肉丸》肉丸就不过不失 个人唔系太钟意呢只酱汁嘅味道 肉丸亦唔算系十分多汁弹牙 呢排疫情严峻好多餐厅都告急 希望大家可以透过外卖嘅形式继续支持佢哋 另外而家用外卖App仲有八折添 性价比就更加大大提高(虽然本身已经好抵食lol) 大家都快啲帮衬啦💛