綿私房料理 (已結業)

原本公司附近新开了一间日本私房料理，本来想 试下点知疫情杀到禁晚市堂食冇机会一试，星期六中午放工谂住买饭盒返屋企同老公仔女一齐食，经过见佢有开原来有得外卖，咁就入去睇吓，唔知系店员定老板佢话畀我知便当好丰富，有牛有猪有鸡肉仲有鱼，搞到我呢啲选择困难症嘅人都唔知拣咩好😅，最终我拣咗两个牛，两个鸡。呢个真系非一般饭盒，有精致包装，充实嘅内涵，鸡便当里面有鸡肉、豚肉仲有鱼同玉子烧，当然有饭啦！D米饭真系粒粒都系饱饱满满嘅日本米。牛便当有牛、豚肉都一样有鱼同玉子烧，便当里面有一种好好味嘅葱头酸酸甜甜可以令到你更开胃，每个便当仲跟埋一个味噌汤同埋精致嘅木制餐具，我个女一路食一路话好好味觉得自己好似喺日本买便当食咁，老公问我今餐买咗几多钱，我答佢每盒只系一百蚊，老公即刻话琴日食麦xx都二百几，前日大xx又三佰几咁仲使乜食 呢啲连锁店快餐呀！我个女即刻搭咀，妈妈下星期六你放工再买E个便当返嚟我唔食麦xx喇！😅