幸福班戟 (已結業)

同好姊妹食完晚餐, 见个肚仲有位, 一于直落食甜品~ 朋友提议去曾经大热嘅幸福班戟, 对上一次去啱啱夜晚8:30, 门口企左20人, 侍应话已经截咗龙下次请早.. 😅 今次都系差唔多时间到达竟然门口得两 pair 人! 机会嚟喇飞云~~ 果然等咗5分钟已经入得, 我哋都唔坚持等卡位, 有位就杀! 幸福班戟 ($108) - 朋友坚持叫原味嘅幸福班戟, 好松软, 蛋味好香, 即叫即整够新鲜, 疏乎厘班戟特有嘅空气感, 令我谂返起第一次喺日本同呀妹食𠮶种幸福嘅感觉 ~ 热朱古力班戟配自家制谷物 ($118)- 好钟意食甜野嘅朋友叫咗呢个热朱古力班戟, 斋睇个样已经知道够晒邪恶 !班戟上面放咗啲脆脆嘅谷物, 配上热朱古力酱, 哗~~~~ 食物质素都拍得住日本𠮶边, 唔会令人失望, 不过员工服务就麻麻, 唔知系咪佢哋忙咗一整日临收工导致笑容欠奉, 态度一般... 俾人嘅感觉系想啲客快啲走赶住收工咁, 其实当时都未到佢哋店舖打烊嘅9:30 😅...