添財記

营业中

休息中

星期日实施「4人聚餐」后，第1次系疫情中食添财记，数数手指都已经3个月冇食！今日经开买𩠌，又睇下有冇开门，咁啱又见到门口有位，唔洗坐入面😊😊😊财哥话店铺已经咁样间住食好耐，可想言之我几耐冇嚟...今日有叫沙嗲牛肉红肠通心粉（多葱），但唔记得影相，添财记系过咁多茶记中，每次食水准都系第1次咁好食嘅水准，从来冇失手过！皮蛋瘦肉粥，真啱降火，平时煲剧挨夜多，又清清肠胃！粥底好绵，而且足料又点少得我最爱「斋肠」再加混酱呢！肠粉好够米香又滑，入口就sir到落喉咙，小朋友老人家最爱！下次再嚟食都唔知几时，希望疫情快过！香港加油！