Sky726

好彩疫情终于好返啲，如果唔系我既生日饭都要自己煮😭回归正传先，老公话带我食西餐庆祝，好期待😋😋😋谂住应该无乜人，所以无特别book窗口位，点知高朋满座😅去到服务都好好，防疫用品都有提供。好啦去片～～～～我地试左两款汤黑松露蘑菇汤： 黑松露同蘑菇既比例恰到好处，加左黑松露令蘑菇味更出、味道更香浓，蘑菇粒粒比校幼细，唔使𡁻都得，份量都好多，饮完会好饱蟹肉南瓜汤：相对蘑菇汤会逊色一点，比较普通。 蟹饼： 外脆内软，蟹肉一丝丝，好有咬感，点埋个汁，酸酸味味，好味虎虾、青口烩茄蓉墨鱼汁意粉：呢个真系心机菜，虾弹牙，墨鱼有咬口，意粉加埋啲墨鱼汁，食到成个乌咀狗咁😂慢煮黑毛猪鞍：肉质嫩，唔会柴皮咁，仲有啲juice 😋😋乜鬼泡菜意粉：泡菜配意粉好似唔多夹，意粉又比较硬。炸鸡：新鲜热辣上枱一刻好香，点埋个汁好开胃。好满足既一餐，食到好饱。最后返到屋企，好好好好口渴🥴