影片
更多
2021-08-14
6144 浏览
自从返咗新工之后，就少咗夜晚出去食好嘢，趁而家疫情渐趋稳定，终于可以食餐劲嘅！今次就去咗铜锣湾广场食日本放题！呢度系极尚大满屋，一入到去，放题餐厅地方好大，今晚我同家姐一齐去食，我哋被安排坐喺卡位。除咗用电话scan QR Code叫野食落单之外，出面仲有啲熟食可以拎，例如春卷、炸鸡同咖喱角，全部都够哂热，又脆卜卜，唔错呀！行过少少有瑞士鸡翼、娃娃菜、肠仔，放题嚟讲都算多同特别，味道合格。放题除咗刺身之外，海洋例如青口、蚬肉等都可以任食，都几大只同鲜甜。另外，仲有啲日本前菜都可以任你拣任你食，我自己就食中华沙律同蒜味螺肉，食到你饱！行过少少，就有大大个饮品柜，冻饮同热饮都有，入面有好多款唔同嘅饮品，例如汽水、柠檬茶、乌龙茶等等，任君选择。另外，果汁例如橙汁和提子汁；酒类饮品例如清酒和梅酒等；茶类有罗汉果茶和菊花蜜等，种类繁多！正式用电话scan QR Code落单，首先我叫咗一大轮刺身，有北海道带子、北寄贝、赤贝、蝾螺、鲍片和象拔蚌等，带子和赤贝都好鲜甜，象拔蚌好爽口，唔错。之后，又试吓啲寿司，有酱烧三文鱼腩寿司、酱烧芝士皇帝蟹柳寿司、鳗鱼寿司、芝士鳗鱼玉子烧等等，其中三文鱼腩都算几肥
呢度系极尚大满屋，一入到去，放题餐厅地方好大，今晚我同家姐一齐去食，我哋被安排坐喺卡位。
除咗用电话scan QR Code叫野食落单之外，出面仲有啲熟食可以拎，例如春卷、炸鸡同咖喱角，全部都够哂热，又脆卜卜，唔错呀！行过少少有瑞士鸡翼、娃娃菜、肠仔，放题嚟讲都算多同特别，味道合格。
放题除咗刺身之外，海洋例如青口、蚬肉等都可以任食，都几大只同鲜甜。另外，仲有啲日本前菜都可以任你拣任你食，我自己就食中华沙律同蒜味螺肉，食到你饱！
行过少少，就有大大个饮品柜，冻饮同热饮都有，入面有好多款唔同嘅饮品，例如汽水、柠檬茶、乌龙茶等等，任君选择。另外，果汁例如橙汁和提子汁；酒类饮品例如清酒和梅酒等；茶类有罗汉果茶和菊花蜜等，种类繁多！
正式用电话scan QR Code落单，首先我叫咗一大轮刺身，有北海道带子、北寄贝、赤贝、蝾螺、鲍片和象拔蚌等，带子和赤贝都好鲜甜，象拔蚌好爽口，唔错。
之后，又试吓啲寿司，有酱烧三文鱼腩寿司、酱烧芝士皇帝蟹柳寿司、鳗鱼寿司、芝士鳗鱼玉子烧等等，其中三文鱼腩都算几肥美，芝士味都啱啱好。
我有四样好特别嘅嘢要介绍比大家，第一系海胆手卷，海胆比得一啲都唔少，饭又唔会太多；第二系鲍鱼军舰，一只已经煮好有味嘅鲍鱼加脆紫菜，呢个性价比好高呀！第三系蒲烧鳗鱼，鳗鱼好大大大块，仲有烧得啱啱好，有炭烧嘅风味。第四就系一客风味淋烧鱼干，平时喺其他日本餐厅食，一个都唔平架，味道仲要差唔多～！
食完正餐就食甜品喇，甜品嘅种类都有好多，有马卡龙，蛋糕仔，仲有我最钟意嘅乳酪呀！我一口气食咗两杯，哈哈！
呢度嘅雪条都好特别，有成十款，我试咗个椰子朱古力雪条，好好味！
总括而言，呢度CP值都几高，样样野都唔错，我同家姐都几满意，大家都去试吓喇！
张贴
