影片
更多
2022-01-29
481 浏览
做完嘢己经两点，个肚咚咚打紧鼓，下午茶时间，去西湾河揾食，嚟呢间以前曾经帮衬过，感觉唔错嘅餐厅店内环境唔错，装修简洁清雅，地方亦干净企理，我照旧叫个鲜茄焗猪排饭。等咗大约十分钟，个焗饭送到首先要赞嘅系上桌热辣辣，服务员重好细心咁提醒我小心，睇热。其次卖相唔错，焗到金黄色，猪排算大块。杯热柠水有四片薄柠檬，味道亦👌而要弹嘅地方就系虽然写明鲜茄，但实际祇系茄酱煑，食法梗系有唔同啦，饭无炒底但都正常👌另一主角嘅猪排就真系麻麻虽然腌得唔错，咬落去都几腍，但一食就知用嘅冻肉系低价雪藏货色，肥肉多兼无肉味，所以加入咗好多黑椒去掩饰，同之前嚟食过嘅焗猪排质素真系差咗好多最后补充除咗块猪排差啲，整体份量同味道都ok。42蚊个下午茶餐，包一杯饮品，无加一都算系咁，听见佢哋同其他食客讲，而家所有来货又加咗价，明嘅，生意难做，难免会将货就价！
做完嘢己经两点，个肚咚咚打紧鼓，下午茶时间，去西湾河揾食，嚟呢间以前曾经帮衬过，感觉唔错嘅餐厅
店内环境唔错，装修简洁清雅，地方亦干净企理，我照旧叫个鲜茄焗猪排饭。
等咗大约十分钟，个焗饭送到
首先要赞嘅系上桌热辣辣，服务员重好细心咁提醒我小心，睇热。
其次卖相唔错，焗到金黄色，猪排算大块。
杯热柠水有四片薄柠檬，味道亦👌
而要弹嘅地方就系虽然写明鲜茄，但实际祇系茄酱煑，食法梗系有唔同啦，饭无炒底但都正常👌
另一主角嘅猪排就真系麻麻虽然腌得唔错，咬落去都几腍，但一食就知用嘅冻肉系低价雪藏货色，肥肉多兼无肉味，所以加入咗好多黑椒去掩饰，同之前嚟食过嘅焗猪排质素真系差咗好多
最后补充除咗块猪排差啲，整体份量同味道都ok。42蚊个下午茶餐，包一杯饮品，无加一都算系咁，听见佢哋同其他食客讲，而家所有来货又加咗价，明嘅，生意难做，难免会将货就价！
张贴
