M Kitchen (已結業)

疫情下人人安守家中，令好多食肆都无做晩市，依家提早七点就关门。我俩刚好六时入座，赶上尾班车！同我想像中净系一碗汤乌冬有惊喜，一人锅加上大大个原只蕃茄做汤底，真材实料用鲜茄。主角安格斯牛肉又够新鲜，每一卷都卷到好厚，打开都包住三四片牛肉，肉质嫩滑又有新鲜既牛肉味，肥瘦适中。另外乌冬系我最爱既口感，烟烟韧韧够晒爽口弹牙。唯一美中不足系个火唔系几够力，愈烧愈弱。。。另外，系烧猪肋骨，即叫即烧够新鲜，能够锁住肉汁够juicy，而且猪肋骨好入味，份量多又抵食。薯条热辣辣，味道适中唔太咸，趣卜卜好食过某快餐店🍟最尾仲有甜品，又有雪糕又有班尼蛋糕，真系满足晒我两个愿望。有d粟米片趣趣做点缀之余又增加口感，底下仲有一层杂果粒，一个甜品包含几个层次够晒满足。赶上尾班车后，食完都关门了。希望疫情快d完结，回复正常生活，下次能够慢慢细味每一样美食。