品坊 (已結業)

之前团购见平，一直买落黎都无用到，点知疫症黎左，2月过期，唯有去食左先。个场都劲冷清，食物既种类款式都好少，而且味道都唔太好，感觉好一般。不过都卫生既，每样食物都有胶盖 cover ..青口正常味，牛脷好淋好入味，几好食既。鸡肉就比较 hi 口 d , 通心粉果 d 都正常野。无乜野食既情况下，又再食牛脷。冷面亦好一般，无乜味，又有 d 硬。烟三文鱼同加洲卷都正常水平。谂住芝士配下饼干睇睇，点知饼干天疏晒风，唔脆，好难食。佢有生蚝，我朋友食话觉得都 ok 佢食左成打，我自己不嬲唔太食所以无试。甜品方面，雪糕既状态唔太 fresh 有少少融融地咁，而且毕雪糕果个羹长期浸住 d 静态既水，其实都唔太好咁。焦糖炖蛋果个算系最好食了，其他既 cake 都相当一般，同普通街上既街坊饼舖面包舖差不多。成个场加埋得十个人左右，真系好冷清。