走肉‧朋友 (已結業)

一个武汉肺炎令到唔少黄店叫苦连天，除咗打告急牌之外，我认为谂办法自救更加重要，呢方面走肉 • 朋友就做得相当唔错，佢哋好快就决定将自助餐变为自选餐，充分显示出灵活变通，值得掌声鼓励👏👏。一直觉得呢度嘅素食自助餐系同类型食肆中质素最高嘅，除咗味道出色之外，食物款式仲充满创意，不时令人有惊喜。而家晚餐做紧八十五蚊自选五𩠌，最受欢迎嘅口水鸡同 pizza 依然保持水准，咖哩鱼蛋啲萝卜非常入味好好食，芋头鱼啖啖芋泥最啱芋头控，至于用油炸鬼造嘅镇江骨味道极为像真，可惜口感略为偏硬。朋友拣嘅串烧，寿司同薯粉则属正常水准。除咗主菜之外，呢度嘅白饭，粟米粥，汤水，蕃薯糖水，普洱茶同菊花茶全部任饮任食，绝对唔会惊唔够饱。比较特别嘅系个龙脷叶枇杷叶煲雪梨汤，好足料，好好饮，据闻仲有抗疫清肺嘅作用，所以𠮶晚我连啪咗三碗😆😆。食完出嚟，见到店外贴咗张恕不招待强国人嘅告示，倍觉放心又安心😌。