瘋狂小面 (佳德商業大廈)

营业中

休息中

餐厅：疯狂小面地点：中环士丹利街楼上餐馆菜式：川菜餐牌：主打小面（即系传统重庆小面），餐牌基本上就系三款组合既面餐，面+饮品 $87面+饮品+小吃／甜品 $98面+饮品+小吃+甜品 $109另设加一。饮品同小吃都可以加钱升级。另外可以再加料。面可以拣干捞面或者汤面，同埋麻度同辣度。自己剔纸落单。疯狂担担面 疯狂担担面用新鲜水面，餐牌写明非油炸或挂面，又真系食得出，好健康。d面都唔会话太软身或一pat pat，分量足，加有足量肉酱，好惹味。我叫左BB辣同BB麻，肉酱辣度刚刚好，只系微微麻辣，捞埋青瓜丝，葱花，脆花生，仲有两条菜心苗，口感味道都唔错。番茄牛肉面 首先饮啖番茄汤，汤底超正，带有天然番茄甜味，食到番茄肉。番茄配葱花同香茜好夹！另有5块超薄切牛肉，非常重卤水味，配番茄汤刚好！仲有两条菜心苗。我另外加左款料。大排 加$21 另加一呢个价钱有3件大排，整得颇淋，软骨完全可以食，都有唔少肉食，非常重卤水味。热罗汉果冬瓜茶，乌梅汁 （跟餐） 唔洗加钱饮品有4款，乌梅汁好酸吓。热罗汉果冬瓜茶主要系罗汉果味，唔过甜。总括而言，呢度d面都唔错，上菜快速，地点方便。