嚐越 (已結業)

屋企人病了一场, 痊愈后胃口仍然不好, 所以想到可以刺激食欲但又不会太油难消化的食物, 想到越南菜比中菜清同少油, 早2日订好位。青木瓜鸡丝沙律 98, 见到青木瓜已口水直流, 因为要买到要去泰国食品店先有, 刨先一条条长细丝, 爽口得来又酸酸地, 仲有生菜丝,加左花生碎真系好香。三越 $108包括了3款小食, 两件粉包、两支蔗虾、两条春卷, 唔太抵食因份量比想像中少,蔗虾都几弹牙不过虾胶其实唔多, 个粉包就比较厚身觉得一般, 春卷用米丝包起炸, 更加香口同脆。生牛肉汤河, 牛肉好嫩呀, 因靠热汤弄熟, 仲生生地所以重牛味又嫩身。河粉分明唔觉佢油, 个汤入味。新装修环境大左, 坐得舒服呀。假日成日都食个LUNCH 同TEA SET架, 抵好多之余又饱肚, 所以中午都一定大排长龙。见屋企人食左几日白粥, 好返多左食欲见到都安慰了。