十下火鍋

香港人一年四季都鍾意打邊爐，我都唔例外，但係本身就好少出去打邊爐，咁啱朋友聚會就話要黎食呢間，三個女仔叫到成個枱好似滿漢全席咁樣，睇返張相真係嚇鬼死。其實佢樣嘢都好大碟，但係離奇地因為啲嘢好味所以我哋三個都食得晒啲嘢🤤最吸引最吸引就係中間嗰個蟹肉冬瓜盅火鍋湯底(唔記得全名)，基本上其實食完呢一個你都唔係好洗叫其他菜瓜類，例如蘿蔔呢一啲。因為你會發現其實食極都仲會有啲冬瓜喺入面，除咗冬瓜，另外都仲有好多蟹肉去令到個湯嘅鮮味昇華，正到爆！雖然個湯係好鮮，因為有蟹肉嘅味道，但係同時間唔知係咪因為個湯底都有落雞湯，所以其實去到後尾就已經比鹹味蓋過晒所有食物嘅味道，但係又唔會去到越食越口渴，所以我諗應該都冇落味精掛？不過鹹味真係的確令到個湯扣分。。另外仲要讚嘅係佢個肉類份量都好多，好似嗰陣時叫咗一份豬頸肉，但係其實見到個份量應該係四至五人食用份量，好多好多條豬頸肉，所以都幾抵食，而且佢又唔會好有雪藏嘅味道，所以我覺得食肉獸都可以試吓。