糖村 (已結業)

「糖村」喺台湾几有人气嘅法式牛轧糖品牌（即喺我哋惯叫开嘅鸟结糖），印象中大概两年前都收过朋友嘅小礼品，就喺佢嘅原味牛轧糖，不过唔喺晌台湾买返嚟，而喺当时晌尖沙咀重庆站有间「糖妹妹糖」嘅糖果店有入货转售。今次，同事则晌铜锣湾希慎广场诚品书店嘅「糖村」专柜买番嚟，可谓挂正名号，台湾直送 。咪以为同事送成盒俾小弟，只喺请我食几粒，不过，佢都唔介意借晒成盒俾我影吓相，兼介绍吓。依款草莓牛轧糖全盒有16粒（210g），咪见个盒好似好大盒，查实垫高咗个底，睇落大盒啲，送俾人都好睇啲。粉红色嘅牛轧糖每粒都以独立透明包装，方便衞生，不过食用期唔喺好长，一个月都无 。记得𠮶时睇过佢哋个网页（http://www.sugar.com.tw/tw），出品强调四大坚持：品质要新鲜，卫生安全做足功夫，食材要天然健康，手艺要不断改进 。所以，都刻意再睇睇佢个成份标签，果然无添加咩化学嘢。粉红色外观源自草莓酱，食落真喺几香草莓味，又有阵阵牛奶味，软硬适中，口感柔软中带烟韧，却又唔太黏牙，而且，内里仲有唔少草莓干，确喺几有水准 。好多谢同事嘅心意，让小弟重温糖村法式牛轧糖嘅滋味！