薩莉亞意式餐廳 (已搬遷) 新店位置

等左咁耐，萨莉亚终于登陆天水围啦。我地有好野食啦，而且价钱好合理。今日过左去，都唔系等太耐。我地两个食左四样野。芝士焗菠菜个白汁好重芝士味，好惹味。不过个菠菜既味道差小小，佢地可以焗之前用蒜蓉炒香。咁会更惹味可口。都有样好既，可以有菜食消化下。烟三文鱼菠菜意粉呢个忌廉汁意粉个汁，同焗菠菜系差唔多。个烟三文鱼既鲜味麻麻，不过都ok既。意粉算好爽口。最唔明白既系，点解要加芝士粉落个意粉到。点都好，呢个意粉唔可以同意粉屋比既，咁既价钱已经唔错啦。焗肉酱通粉呢个无乜特别，无意粉咁好食。牛肉汉堡pizza又系几好食，批底算几脆。d料都好多，三十蚊就有pizza食，真系好抵。呢餐只系98蚊，真系好抵。等位又唔算太耐，野食都唔错啦。睇黎，呢度可以做我地既饭堂啦。