光榮冰室 (厚福街) (已結業)

黄到发光嘅光荣冰室喺正我公司隔离，放lunch梗系要去支持下经济圈。佢呢度装修得好企理好光猛，手写嘅每日Menu好有人情味。做野太辛苦太大压力，决定叫个开心餐安慰下自己。其实佢个开心餐就系葱油鸡扒饭加三只太阳蛋。打孖都唔够，仲要系三只，真系听到都大快人心。佢个鸡扒系炸过黎，炸到脆卜卜，入面啲鸡油仲保住哂，捞哂啲豉油一齐食好香。仲要另外再有葱油俾，油都系三款，加埋一齐点会唔好食。佢嘅太阳蛋只只都系流心，笃穿佢个蛋黄之后啲蛋浆流哂出黎个下真系好治愈，食蛋一定系要食半熟嘅！呢度嘅分量真系好多，饭底又多，蛋又多人两只，鸡扒又大块，系覆盖哂成个碟。我食到一半都放弃左，谂住打包走啦，点知一装完嘅分量居然同平时出面茶餐厅嘅外卖份量差唔多，我见到都呆左。用$55喺尖沙咀地区食到呢个分量加呢个质素，买一餐送一餐嘅感觉，抵到烂。