和氣食堂 (黃大仙中心南館)

营业中

休息中

之前喺其他地方食过和气食堂 今日喺黄大仙行过见到 就好想再食多一次 上次都觉得好高质 对呢间餐厅好有信心😎 我地大概六点半坐低 但系舖头已经差不多七成满 好彩今日早放工咋😮我地嗌咗以下几款野食😋安格斯牛扒他他沙律配黑醋 安格斯牛扒半生熟咁都几好食 沙律有好多粟米 呢个沙律为我地丰富嘅晚餐揭开序幕🤤 海鲜四色丼 我地就系贪佢样样有啲 入面有甜虾 帆立贝 油甘鱼 同埋三文鱼 甜虾好大只 又好鲜甜 帆立贝竟然有四粒😻 饭嘅份量都好多白咖哩乌冬 卖相好特别 好似忌廉乌冬嘅样貌 但系夹上嚟先见到佢下面系普通咖哩嘅颜色 而面𠮶层cream就令到乌冬嘅口感更加顺滑 跟乌冬嘅炸鸡外脆内软 几多肉汁🐥 黑松露鹅肝帆立贝卷 大大只帆立贝喺个卷物上面 卷喺入面嘅青瓜丝令到个鹅肝唔会好油腻 口感都好丰富😌帆立贝黄金烧 上面有层厚厚嘅芝士 可惜冇影低拉丝𠮶一刻😭 入面原来有三只帆立贝㗎 真系有惊喜🙊宇治抹茶阿法奇朵 小弟见识少 google完先知阿法奇朵系一种意式甜品 传统系加cappuccino落个雪糕度 不过今次系抹茶口味 所以系将热抹茶加落抹茶雪糕 令到抹茶味更加浓郁🍵成餐晚饭都好好味 特别钟意佢个甜品