越滿越式料理

营业中

休息中

经过青衣翠怡，谂唔到食咩好因为附近大部份都系大型连锁店。无意中发现呢度有间越菜，仲要外卖有85折，所以试下。叫左个香茅鸡扒饭，加钱配左白咖喱汁鸡扒都几厚，肉质好嫩滑，外皮炸得好脆，但内里仲有肉汁！而且香茅好入味，整体好好食系越式菜风味！但唔知点解鸡扒表面放左d葱油，唔系好夹，其实食唔岀葱油味，净系食香茅鸡扒已经好好味！另外鸡扒底仲放左d生菜，食完啖啖肉再食菜好似即刻有健康左既感觉白咖喱汁都好好味，佢唔辣既，甜甜地又有椰香！叫左多汁都略嫌汁太少，捞唔哂成个饭 。朋友叫左白咖喱汁香茅猪扒饭，佢都话好好食，香茅味好浓同白咖喱汁好夹！下次经过可以再帮衬！