沙嗲王 (已結業)

今晚happy friday 满心期待去旺角食沙爹王。七点九左右去到，等左阵先有位。坐位都舒服，但两位就要搭枱。我地叫左两个菜单上推荐嘅必食之选。不过，客人比较多，上菜时间比较长。白咖哩香茅猪排饭件猪扒很酥脆，香茅和䓤非常香。白咖喱汁甜甜地，有奶香，淡淡辣味。白汁咖喱捞饭好正。沙爹汁娇嫩巨髀饭块脾切开条骨上，好细心，因为自己好难切。皮好脆，肉又爽又嫩滑多汁，完全可以单食，唔需要点任何汁。白饭装得几细心，捞沙爹汁好好食。不过冷气大好快吹冻个饭。紫薯鲜奶、抹茶鲜奶紫薯味比抹茶淡，所以饮落奶味浓啲。两只都好饮，有鲜奶味道。整体来说，两个必食推荐嘅饭果然无介绍错，好好食。不过，店内卫生就一般，食野时见到有只蚊仔飞过黎几次，隔离直头杯水有只野。如果加以改善呢方面，就更加好。