一盛極牛 (已結業)

其实香港人真系好钟意食拉面，拉面舖开到周街都系，市场上都系长青嘅猪骨汤同近年冒起嘅鸡白汤，咁牛呢？呢间正正就系做市面上少有嘅牛骨汤拉面✨过百蚊碗拉面其实都几贵下，但当睇到枱上介绍就知物有所值，所用嘅材料完全都系精心挑选，首先汤底用带骨髓嘅牛骨熬足廿个钟，和牛就用顶级品种和王嘅大腿上肉，面条制作材料无论系面粉定碱水都系自来日本，卖呢个价都合理嘅😗以牛为主就当然要先讲下作啲牛啦，和牛数量以四十蚊递增上去，本身想叫两份牛加多少少整够三份够哂满足，和牛种类可以拣刺身定火炙，当然都可以好似我咁拣双拼，刺身一大片，浸落汤至半生熟就可以越南嘅生牛河咁，当然嫩滑程度同阵牛味就冇得比啦，而火炙就会切细块嚟烧得刚好全熟，两者我系会钟意刺身多啲，因为真系好滑口又软腍，味带牛香，而火炙就多咗阵微微嘅灼烧味，全熟得嚟同样软滑，如果烧多少少焦面会更惹味✨至于牛骨汤底够甜够醇入口舒服，面质条弹牙挂汁力唔错，俾多十蚊拣咗白牛的话就会多咗一堆白松露酱，唔只系油而系酱，所以就算唔系黑松露都好浓烈，同个牛骨汤都几夹，而且我拣松露量系多，所以啲酱多到可以咁夹埋落个面度食超满足，不过劲得滞食完饮汤果阵就觉得有啲腻😂最后私心推荐