皇茶冰室 (已結業)

上次食过下午茶唔错，今日专登黎食lunch...叫咗个厚切猪扒配厨师肠仔饭，黎到见到条肠仔白雪雪，咬落入面仲要系冰嘅！心念煎都未煎过仲够担上台，叫楼面姐姐同佢讲条肠仔冻嘅，佢个反应系想伸只手去条肠仔度摸下系咪冻，即刻喝住姐姐，你唔系想用手摸呀嘛！佢话唔系唔系，我叫厨房换过条肠仔比你。换完返黎，条肠仔个样都同白灼无分别，问姐姐，肠仔你哋唔煎用灼架？佢话系呀，肠仔系白灼先好味⋯我唔系黎茶餐厅打边炉啰！食白灼肠仔，我唔好返屋企自己灼⋯真心觉得离谱！仲有块厚切猪扒干到柴咁！入面仲要无味！完全可以black list呢间冰室！题外话：我对面个男人叫杯热水，好耐都未黎，隔咗10分钟问个姐姐，个姐姐话攞咗啦！但比错咗隔离台，然后姐姐系个张台度拎返杯水比个男人😱😱😱😱10分钟杯水有无人饮过？离谱到惊😡😡😡😡😡😡😡