星海薈﹒譽宴

营业中

休息中

我住馬鞍山，石門當然好近我，留意星海薈晚飯都有做緊優惠，就過嚟食飯。望住天花閃著的藍色燈光，耀眼奪目，在這邊舉辦婚宴都唔錯，影相都好靚。招牌白胡椒蟹炆飯底熱騰騰沙鍋上枱，放咗原隻胡椒蟹，香氣撲鼻，而且係炆飯底，食到有香香嘅飯焦。蟹肉食落帶有胡椒香，但唔係好辣，蟹肉厚身味鮮甜。(重有其他蟹嘅套餐或菜式同優惠，下次叫埋屋企人黎食)遠年陳皮脆皮燒鵝伴陳村粉鵝香皮脆，燒鵝肉嫩多汁，燒鵝汁冇浪費，廚師放咗陳村粉，吸左燒鵝汁，令村粉更野味。紅燒皇子乳鴿炸到香口嘅乳鴿，炸得乾身唔油膩，咬落鴿肉鮮嫩亦夠入味。瑤柱扒豆苗鮮味瑤柱，舖滿在嫩芽豆苗上，口感鮮味又爽口。花旗參竹絲雞海螺燉花膠湯花旗參帶甘味，竹絲雞海螺帶出清甜味，食埋滑嘟嘟嘅花膠。姬松茸花膠燉雞湯姫松茸帶香氣、雞湯清甜、松茸有益，湯亦唔油膩。