月詠

营业中

休息中

之前有听闻过奥海城开咗呢间鹿儿岛过江龙🇯🇵，主打鸡白汤面🐓，𠮶时已经心思思想过去试吓但一直都无机会，上两星期咁啱去𠮶头探朋友，就提议不如一齐去试试。以木色为主调嘅餐厅设计就最得朋友欢心，因为佢真系一个木系粉丝。餐厅有个二人set menu，最后我哋都系拣咗散叫，当然唔少得order埋suntory啦 🍺我拣咗「柠檬牛油鸡白汤拉面」，因为加柠檬🍋嘅热汤面唔太成日食到，朋友就叫咗「担担鸡汤拉面」。个鸡白汤有种绵密嘅口感，加咗牛油令到个汤更浓郁，但柠檬又增添咗啲清新感，成个combination都几match，唔错唔错。朋友个担担鸡汤拉面有微微辣感，味道比白汤再浓厚啲，啱晒重口味嘅人。呢度嘅叉烧系用鸡肉整嘅，食之前我哋都有concern会唔会好干好「鞋」，点知一咬落去有惊喜，系好软腍的，我哋两个清晒👍🏼 面底唔系一般嘅拉面，系全麦面，同自己讲又再健康啲🤣我哋仲叫咗啲小食一齐share，有鸡皮饺子、炸鸡同鱼饼，一致认为个炸鸡腌制得非常出色，咸中带微甜，如果唔系太饱真系想order多碟，等下次拉第二位密友嚟食过先。