白宮咖啡室 (已結業)

White house cafe成间cafe装修白雪雪，好用心放上好多装饰品，影相好靓。香草忌廉汁烟三文鱼意粉 ($58)忌廉汁香浓，够杰身，满口滑溜。意粉略嫌煮得过头，有少少偏淋。烟三文鱼就系普通咁。整体都几香口，价钱合理。 小食拼盘 ($58)一班人食野 紧系要叫个小食拼盘齐齐开心share啦。呢个小食拼盘超多野，有鸡翼、薯饼、咖哩角、春卷 、薯角，样样都新鲜炸起。鸡翼焗得脆口，肉质滑嫩又香口。薯角份量超多，点茄汁食一流。咖哩角炸得外脆内软，好浓咖哩味。薯饼炸得香口冇油溢味，切开唔会散开哂。春卷一样炸得脆口 点埋个泰式辣酱食真系惹味到。 Green Cucumber latte ($38; set lunch+$8)青瓜latte有好可爱既鹿仔拉花，味道出乎意外咁清甜，无个种恐怖既青味，好清新香口。但比起咖啡味就淡口，好岩唔饮得咖啡既人饮。All day breakfast ($58)炒蛋用左明治奶，滑嫩香口。烟肉同肠仔都系普通货色咁，焗豆是必须要有。多士就略为薄身，如果系厚多士我会更好。最正系有块薯饼，香口又够热气，正。整体唔错，睇得出有心机，display仲好靓。