大廚巴巴 (已結業)

某日喺附近食完晚饭经过呢间小食店，当时接近关门时间，就冇帮衬到。事隔一星期，再黎呢头食早餐，决定试一试呢度嘅鱼蛋。小店刚开门不久，附近静英英咁。除左鱼蛋，仲有唔少小食、炸物、饮品等供应，价钱正常啦，唔系特别平贵。鱼蛋 $10/7粒用嘅系白鱼蛋，骤眼睇都好似林_记嘅白鱼蛋，价钱都一样，$20/16粒。今时今日，鱼蛋黎讲，价钱可以接受啦，有啲粉做嘅鱼蛋都卖得更贵。鱼蛋食落够弹牙爽口，唔会左粉蛋嘅口感，味道不俗。咖喱味反而较一般，所以都放左好多款调味酱等客人可以自己加。不过炎炎夏日，见啲酱料啱啱喺雪柜拎出黎，仲滴紧水，可能要注意。