影片
更多
2021-05-01
57 浏览
朋友话食左间边炉好正要带我去。位置小隔涉，早排系楼下间西餐食过饭，都无留意到隔离大厦有火锅店。一入去餐厅，格局好唔似餐厅，似私窦😂。餐厅系散叫火锅，价钱中上。汤底叫左胡椒猪肚汤，仲有啲佢地自己煲嘅汤底，但叫完先知原来可以双拼！蚀左🥲🥢胡椒猪肚汤底（$138）个锅一上台，我就哇左出声，劲大个煲😂😂😂你地去到自己feel，个汤底有唔少底料，蕃茄、唐芹、酸菜、猪肚、粉肠，食到尾仲有，又唔系Hea你是但比，食落新鲜，粉肠都干净。汤底带胡椒既辣，唔会淡茂茂。🥢手切雪牛小排（大）（$338）又系劲大碟😂开始感受到佢地份量之多。雪花睇落靓，食落仲正，每块有返咁上下厚，食落好有满足感，啲油花越嚼越出，好正！本身想叫本地手切牛，店员话今日啲牛唔靓所以无返货，下次要食本地手切牛！呢个牛都必点！但两个人可能叫细好啲，可以试其他肉，油花会令食到后尾超饱。自家制韮菜饺（$68）有6只胀卜卜嘅饺。首先佢地包得好靓，自己都有包开饺子，好明白9菜超易出水，会令饺子皮湿同烂，但呢到既饺子放耐左都好干身，唔会出水，唔会d皮痴埋晒。上菜时店员有讲系岩岩包。食落好饱满，皮薄烟un，9菜新鲜爽脆，好好食！超值呢个价。🥢白鳝片（
餐厅系散叫火锅，价钱中上。汤底叫左胡椒猪肚汤，仲有啲佢地自己煲嘅汤底，但叫完先知原来可以双拼！蚀左🥲
🥢胡椒猪肚汤底（$138）个锅一上台，我就哇左出声，劲大个煲😂😂😂你地去到自己feel，个汤底有唔少底料，蕃茄、唐芹、酸菜、猪肚、粉肠，食到尾仲有，又唔系Hea你是但比，食落新鲜，粉肠都干净。汤底带胡椒既辣，唔会淡茂茂。
🥢手切雪牛小排（大）（$338）
又系劲大碟😂开始感受到佢地份量之多。雪花睇落靓，食落仲正，每块有返咁上下厚，食落好有满足感，啲油花越嚼越出，
好正！本身想叫本地手切牛，店员话今日啲牛唔靓所以无返货，下次要食本地手切牛！呢个牛都必点！但两个人可能叫细好啲，可以试其他肉，油花会令食到后尾超饱。
自家制韮菜饺（$68）
有6只胀卜卜嘅饺。首先佢地包得好靓，自己都有包开饺子，好明白9菜超易出水，会令饺子皮湿同烂，但呢到既饺子放耐左都好干身，唔会出水，唔会d皮痴埋晒。上菜时店员有讲系岩岩包。食落好饱满，皮薄烟un，9菜新鲜爽脆，好好食！超值呢个价。
🥢白鳝片（$108）
数过有7大片鳝，街市都卖紧百几斤，呢到100出头有咁多片😧同任食个种薄薄鳝超唔同！厚肉爽弹有鳝味，好鬼正！呢个真系要食！🥺🥺🥺
🥢唐生菜（$38）
Errrr就系唐生菜😂
🥢酱料
店员会拎有一大兜配料任你加。最特别系左上个辣酱，店员话自己炒，食落唔太辣，带豆豉味。
连埋2支野饮埋单800左右。料足、新鲜、有心机！好明点解朋友要带我食，下次都想带屋企人去食。唯一唔好系上菜有啲慢，每碟都隔左啲时间，可能厨房唔够人？又样样都即整，鳝都话系岩岩㓥😂😂😂好食我就愿意等
Btw当日有人包场，见住店员捧住一碟碟海鲜行过，又避风塘炒蟹、金银蒜蒸圣子，r水吹时问左店员，话有做包场，只要预先讲想食咩就整到。又有讲d厨师黎自以前灯笼街一间好出名而家执左既餐厅（无细听😂😂😂）
总结好食！以为唔够食要加点，点知食到劲饱！推荐🤤
张贴
