Billow

营业中

休息中

难得放日假，仲要冇嘢搞，可以真正休息，当然揾个远离繁嚣既地方放松下。心目中 check list 一直有佢，不过地点唔太就脚，所以迟迟都未去到。原来都几方便，大埔墟站好易揾到专车站牌，预岩时间直接上车就到餐厅门口。落车望下周围环境，确系令人心旷神怡。餐厅里里外外都充满休闲感觉。对住白鹭湖，舒服到大概可以喺呢度瞓着。炸比目鱼柳汉堡，他他酱，薯条 $168Cuppacinno炸比目鱼柳汉堡一开二之后仍然大大个，食起上嚟冇咁狼狈。鱼柳厚，酱汁多，包够脆，仲有脆薯条伴住，加杯Cuppacinno，望住窗外湖景，慢活一下，用”写意悠闲”嚟形容绝对唔过份。黑松露忌廉阔条面，鸡枞菌，牛肝菌，羊肚菌 $238浓厚黑松露香味，阔条面挂满汁，加入鸡枞菌，牛肝菌，羊肚菌味道更丰富。餐汤餐汤都唔hea，浓得嚟又唔抢喉。食饱可以餐厅附近行个圈消化下，影相打下咭。好彩既话仲会见到马骝。