金華燒臘大王 (已結業)

突然间话要去律师楼签文件，完全唔记得有依件事啰，吓得我鸦 ﹗好采阿姐放人比我事假啫。唔知几多年无黎帮衬喇，印象中系全港最好食既肥美蜜饯叉烧，要黎回味一下。西洋菜陈肾汤，就算例汤都超级有水准呀，火喉十足，一饮就知。真材实料无味精无揾笨，香甜得利害，有添饮既冲动。双髀饭一碟，近来一直心情唔多好，叫个富贵饭氹下自已先得。切鸡髀烧鹅髀，哗 ﹗碟烧味饭都几巨形架㖞，𩠌仲多过饭，双髀居然系全髀添，食过咁多间都系第一次乍，连饭都唔多见到啰！阿个阿姐走埋黎欣赏依个大制作，劲搞笑 ﹗烧鹅皮香肉嫩，质地幼细又滑不留口，肉汁非常丰富又入味，正呀 ﹗切鸡髀鸡味浓，薄薄鸡皮不油腻又嫩滑无比带点爽口，不得了 ﹗鸡肉弹牙有咬口，好味又抵食！多谢 HKD132 蚊，破晒我食开双髀饭既记录，足足贵一倍，但系双鹅髀鸡髀劲巨形呀 ﹗有样唔太喜欢，就系淋得太多烧汁喇，湿笠笠又偏甜呢。例牌蜜汁叉烧，碟双髀饭实在太好食喇，搞到无理过碟叉烧，唔记得同佢拍遗照添。HKD60 几蚊叠到成座山咁高，下面一层铺满一整碟，上面仲加多一行，坚抵食 ﹗香甜蜜汁叉烧好香口，眼见到肉汁立立亮，咬落 juicy 又软垫，猪味浓郁，半肥瘦无得输呀 ﹗三