影片
更多
2022-02-27
2642 浏览
疫情下，基本上都停晒所有活动，除晌屋企踩吓单车外，就只有耐唔耐行转山，由于近来疫情好严重，连行山都减少咗，好耐先行一转，仲做足防疫，全程都喺戴住口罩行，其实戴惯咗都OK！今次走一转短程，由美孚经马骝山上到「华景山庄」，拣晏少少行，等无咁多人，当喺减少风险。到咗「华景山庄」嘅商场仔，睇到「百份百餐厅 」无乜客，比较安心少少就食个下午茶垫垫肚至离开。 踏入餐厅，有相你睇，真喺无乜客，有嘅大多数嚟买外卖。店内走少少工业风嘅装修，灯光比较昏暗，不过，座位就好阔落，间隔都够开。 下午茶时段为2:00pm-6:00pm，款式都喺晌茶记或快餐店见惯见熟嘅选择，如炸鸡脾呀、西多士呀、公司治呀、汤粉面呀……等等，亦有饱肚啲嘅迷你炒粉饭面。由于小弟食咗晏，所以拣款三文治，友人就话肚饿啲，所以，就整份公仔面餐。 餐肉滑蛋三文治 $30 平常晌茶记，如果想食包类，唔喺菠萝油，就喺沙嗲牛肉包，不过，呢度两样都无，所以，就「求求其其」拣咗餐蛋治。基本嚟讲，都算交足货，厚身软熟嘅方包、大大片煎得香口嘅餐肉及炒得够晒嫩滑嘅炒蛋，惊喜就无架喇，但稳稳阵阵咁啦。沙嗲牛肉半焗流心蛋即食面 $35 友人就赞佢嘅面餐份量十足，
踏入餐厅，有相你睇，真喺无乜客，有嘅大多数嚟买外卖。店内走少少工业风嘅装修，灯光比较昏暗，不过，座位就好阔落，间隔都够开。
下午茶时段为2:00pm-6:00pm，款式都喺晌茶记或快餐店见惯见熟嘅选择，如炸鸡脾呀、西多士呀、公司治呀、汤粉面呀……等等，亦有饱肚啲嘅迷你炒粉饭面。由于小弟食咗晏，所以拣款三文治，友人就话肚饿啲，所以，就整份公仔面餐。
餐肉滑蛋三文治 $30 平常晌茶记，如果想食包类，唔喺菠萝油，就喺沙嗲牛肉包，不过，呢度两样都无，所以，就「求求其其」拣咗餐蛋治。基本嚟讲，都算交足货，厚身软熟嘅方包、大大片煎得香口嘅餐肉及炒得够晒嫩滑嘅炒蛋，惊喜就无架喇，但稳稳阵阵咁啦。
沙嗲牛肉半焗流心蛋即食面 $35 友人就赞佢嘅面餐份量十足，沙嗲牛肉俾得算多，肉质嫩滑，个沙嗲汁好香浓惹味，茶记做沙嗲真喺有一手。而友人就话半焗流心蛋即喺好似平时煎太阳蛋，唔煎咁熟啫，我都觉得喺架。
热奶茶、热柠水小弟就惯例饮热奶茶，呢度嘅热奶茶都唔太差，茶色唔错，深褐色得嚟有光泽，入口茶底醇香，茶、奶嘅味道平衡。此外，呢热嘅热柠水都有少少特别，就喺唔会见有柠檬，因为用上鲜榨柠汁嚟冲。
食完下午茶都未喺行程完结，出咗「华景」再兜条小径落经长坑村返美孚先至散水。
张贴
