影片
更多
2024-10-31
96 浏览
本篇食评主要分享用餐服务体验，喺呢个经济低迷嘅市道，到底一间餐厅几唔够人先可以容忍呢啲恶劣态度嘅员工站喺前线对待客人呢？经我哋用餐体验后逐点慢慢分析俾你听！星期二既下午四点几，店舖冇乜客，门面冇职员招待，企咗喺门口差唔多30秒，因为金色头发嘅女侍应眼光光望住我哋，彷佛怀疑我哋来意咁款，攞咗枱之后，就展开我哋嘅恶劣服务体验之旅啦！😎因为接下来都系由同一位金发既女员工「招呼」我哋！1:入嚟食嘢要训练观察力：叫咗两杯餐饮，两个面，同埋一个小食，第一杯餐饮嚟到，放低就咁走咗佢，我哋问返最近我哋张枱个位侍应，用一个完全冇尾音嘅语调话我哋听杯嘢系边杯，唔到2分钟第二杯冻饮嚟到，依然放低枱面一话不说拧转身走人！做人最紧要坚持态度，抵赞👍🏼2:埋单储积分，唔早啲讲就俾人闹啦🐒到埋单嘅时候，发现枱头有一部the point既QR Code机，我女友问客气地佢有冇得储埋分，金毛待应面露难色，接下来就同我女友讲：「下次早啲讲吖嘛……！」嗱，大家呢度要认清楚，尾音系好长！企喺侧边嘅我当堂都反应唔切突然其来嘅突袭，埋完单之后唯有就提高音量咁「唔该哂你㖞真系！」黎回应佢！享受完呢一个恶劣服务体验之后，我哋搭车上去
星期二既下午四点几，店舖冇乜客，门面冇职员招待，企咗喺门口差唔多30秒，因为金色头发嘅女侍应眼光光望住我哋，彷佛怀疑我哋来意咁款，攞咗枱之后，就展开我哋嘅恶劣服务体验之旅啦！😎因为接下来都系由同一位金发既女员工「招呼」我哋！
1:入嚟食嘢要训练观察力：
叫咗两杯餐饮，两个面，同埋一个小食，第一杯餐饮嚟到，放低就咁走咗佢，我哋问返最近我哋张枱个位侍应，用一个完全冇尾音嘅语调话我哋听杯嘢系边杯，唔到2分钟第二杯冻饮嚟到，依然放低枱面一话不说拧转身走人！做人最紧要坚持态度，抵赞👍🏼
2:埋单储积分，唔早啲讲就俾人闹啦🐒
到埋单嘅时候，发现枱头有一部the point既QR Code机，我女友问客气地佢有冇得储埋分，金毛待应面露难色，接下来就同我女友讲：「下次早啲讲吖嘛……！」嗱，大家呢度要认清楚，尾音系好长！
企喺侧边嘅我当堂都反应唔切突然其来嘅突袭，埋完单之后唯有就提高音量咁「唔该哂你㖞真系！」黎回应佢！
享受完呢一个恶劣服务体验之后，我哋搭车上去深圳行街食饭，当堂系个极度强大嘅对比！
我理解嘅，今时今日服务行业请人好难，仲要请个正正常常嘅就更加难！
但都希望贵公司认真谂谂系咪重要摆呢啲人帮自己倒米，咁就连我哋呢啲一个月起码食两三次春水堂嘅人都唔想再入黎比佢招呼啦！
张贴
