金鶴拉麵 (蜆殼街)

营业中

休息中

第一次黎到天后呢间日式拉面连锁店，其实之前试过佢其他既分店，鸡白拉面令我深深钟意呢间拉面店，佢既拉面好食程度真系百吃不厌，而今次黎选择食唔同汤底既拉面，有种令我新鲜既感觉！😊今次试左两款拉面，两碗都系搭配慢煮鸡胸肉及日式叉烧，嫩滑入口咬感超爽，不过我觉得一碗拉面依然最重要系个汤底。🍜 盐味拉面呢碗既汤底简单黎讲就系日本昆布清汤，冇乜特别既味道，略微觉得太淡，不过清澈见底都算系健康之选。🍜 辛味拉面呢碗汤底真系食得出日式辛辣既味道，唔会太辣又唔会太重口味遮盖拉面食物既本质，钟意食辣既值得一试。🥟 日式饺子煎得啱啱好，火喉控制又冇整㶶饺子皮😊不过整体而言，呢两碗拉面都不及店铺推荐既鸡白拉面，外观汤底都系最好味，鸡白既汤比够浓，口味够重我比较钟意，不过偶尔都想试其他面对比一下。