四姐川菜

营业中

休息中

湾仔楼上铺川菜馆，由当地人主理，味道正宗。座位唔多，最好提前打电话预订。中国风装修，深木色台凳，墙身以水墨画同字画装饰，睇得出有点历史。酸菜鱼 （大 $288）鱼块系去皮的，鱼肉好稔。酸菜切得细块而且份量好多，有粉丝，酸菜汤头浓郁有少少辣，直接当汤饮或者捞饭都好好味。干煸四季豆 （$88）呢个又系送饭之选，呢度整嘅干煸四季豆比其他餐厅干身，豆系爽脆的，蒜同豆豉落得比较多，所以味道较浓。酸辣土豆丝 （$88）土豆丝切得几幼，比较爽口，系水准稳定嘅家常菜。川式鱼香茄子 （$88）唔同一般酒楼鱼香茄子煲嘅味道，亦都冇想象中既川辣味，系类似咕噜肉既酸甜味。个人认为传统整法嘅鱼香茄子比较好食。