胡爐 (已結業)

之前食过佐尖沙咀分店觉得醉胡炉好得，所以今次路经铜锣湾，又咁啱想打边炉，就即刻谂起胡炉呢间分店。铜锣湾呢间分店同尖沙咀嘅装修格局都系差唔多，卡位系私隐度好高，就好似自己系包厢一样。上次食咗个非常好味嘅火焰龙虾海鲜锅，所以今次谂都唔使谂都系拣返火焰龙虾海鲜锅。首先侍应会炒一炒个龙虾，你会见到只龙虾仲郁紧，证明系一只生猛嘅龙虾，好新鲜。跟住用白酒点火去烧，火焰龙虾嘅名就系咁黎。跟住再加入佢哋得秘制嘅龙虾汁去煮。滚起之后当然要试一啖龙虾汤先，好清甜好重龙虾味，龙虾好大，好弹牙。d蚬都好甜。由于太肚饿嘅关系，所以一嚟就叫咗个红薯粉，打个底先。估唔到碟粉系咁大份，食咗一半都已经饱咗九成，跟住叫咗1份黑松露蟹肉饺同埋蟹籽虾丸。黑松露饺子要放在勺子一齐滚，如果唔系就会变成肴汤底。饺子非常好味, 蟹肉好甜，黑松露好香，如果水饺皮再薄d就会更好。虾丸好爽，食得出系手打嘅，因为真系好滑好弹，蟹籽令口感更丰富，食入口好似有爆炸糖嘅感觉。