影片
更多
2018-11-07
1010 浏览
又食越南野，仲要系一星期食咗两次，都仲系食唔厌😗香茅猪扒饭 加蛋香茅味几香得黎又唔会太抢味，即使系平时嫌香茅味会太浓既朋友都可以try try 不过猪扒有点干身，可能会有少少韧，好彩都斩得细细件，唔需要夹硬齿都食到～如果嫌一𩠌饭太单调，可以咁加只蛋，仲要咁啱系我地最爱既太阳蛋，只蛋煎得啱啱好，唔会过熟，蛋黄仲系半流心，可以捞埋落饭度，加分！烧猪颈内捞檬个檬粉就同平时食开既冇咩分别，冇咩特别既地方。至于个猪颈肉系烧既效果，反而似干炒，不过佢切得比较幼身，相对平时出街食到既较细件，但又冇平时食到既咁薄身，打返个和～算系不过不失啦另外我地都叫左两款小食开心share炸春卷 + 炸虾饼先讲个炸春卷，都炸得几干身，唔会话食到好油淋淋既感觉，炸得唔错！可惜略嫌馅料少咗啲，同埋入面既馅唔多够味，重口味朋友就可能唔多啱喇～炸虾饼就真系值得一赞，头先都讲过佢地既炸物做得唔错，所以个虾饼完全冇油腻感，而且食得出入面既虾馅系自家打的，超弹牙！仲要唔止得虾蓉，直头见到有几只小虾肉系入面，呢个价钱黎讲好抵食，绝对可以一试～牛油果奶昔牛油果奶昔唔算系极香浓牛油果味，所以唔食牛油果既朋友都唔会抗拒，而且夏天饮就最啱
香茅猪扒饭 加蛋
香茅味几香得黎又唔会太抢味，即使系平时嫌香茅味会太浓既朋友都可以try try 不过猪扒有点干身，可能会有少少韧，好彩都斩得细细件，唔需要夹硬齿都食到～
如果嫌一𩠌饭太单调，可以咁加只蛋，仲要咁啱系我地最爱既太阳蛋，只蛋煎得啱啱好，唔会过熟，蛋黄仲系半流心，可以捞埋落饭度，加分！
烧猪颈内捞檬
个檬粉就同平时食开既冇咩分别，冇咩特别既地方。至于个猪颈肉系烧既效果，反而似干炒，不过佢切得比较幼身，相对平时出街食到既较细件，但又冇平时食到既咁薄身，打返个和～算系不过不失啦
另外我地都叫左两款小食开心share
炸春卷 + 炸虾饼
先讲个炸春卷，都炸得几干身，唔会话食到好油淋淋既感觉，炸得唔错！可惜略嫌馅料少咗啲，同埋入面既馅唔多够味，重口味朋友就可能唔多啱喇～
炸虾饼就真系值得一赞，头先都讲过佢地既炸物做得唔错，所以个虾饼完全冇油腻感，而且食得出入面既虾馅系自家打的，超弹牙！仲要唔止得虾蓉，直头见到有几只小虾肉系入面，呢个价钱黎讲好抵食，绝对可以一试～
牛油果奶昔
牛油果奶昔唔算系极香浓牛油果味，所以唔食牛油果既朋友都唔会抗拒，而且夏天饮就最啱 消暑得黎又唔腻，但喜爱牛油果既朋友就可能觉得唔多够喉～～
越式咖啡沙冰
秉承越南咖啡既口味，都系偏淡，唔属太浓厚咖啡味既饮品。少甜、透心凉之选，完全适合我呢啲又想饮下咖啡，又怕咖啡阵苦涩味既朋友。
虽然呢间系以food court自助形式，但我又几钟意，拎完碗粉就坐埋一边吹水开餐🥳
张贴
