影片
更多
2014-03-09
1397 浏览
由开店食到而家，都系时候帮老板娘宣传吓啦！环境：夏天去堂食会热，所以天时热我宁愿买返屋企食。格局似熟食中心咁~食物：比起平时去三六九𠮶啲老牌上海餐厅，小上海嘅口味我比较钟意！清淡啲~ 我屋企次次去必食鱼头汤、咸春卷、醉鸡脚同甜春卷，有时会叫埋海蜇。鱼头汤：饮鱼汤我最怕鱼汤腥！小上海嘅就只有鲜味，正！仲有一条条透明嘅粉（我唔知正确叫乜名），好饱肚！咸春卷：里面竟然只系包菜（问过老板娘系咩菜，不过唔记得 lu），但唔知点解咁好味？！？！醉系列：首选系鸡脚，因为入味啲。我老豆最钟意食醉鸡肾。海蜇：我钟意买返屋企雪一晚先食，因为会入味啲同冻啲~甜春卷：里面系红豆，即叫即炸，唔好等到食完正餐先叫呀！唔会太甜，好味。如果自己一个人食呢，必点煨面~ 差不多我一入去，所有人都知我实系叫煨面哈哈~ 有时想食酸辣，平时我会叫多个酸辣汤自己捞煨面食。但份量实在太多，分两餐食又惊啲煨面会烂。所以我嘅 hidden menu 系酸辣鸡/云吞煨面。老板娘特登整俾我架，呢啲就系小店窝心嘅地方。有时老板娘自己整嘢俾自己食，又会俾我哋食，唔收钱架~ 佢整嘅糯米饭好好食，可惜佢唔卖！佢上次返上海，带咗啲新鲜年糕返香港，炒
环境：夏天去堂食会热，所以天时热我宁愿买返屋企食。格局似熟食中心咁~
食物：比起平时去三六九𠮶啲老牌上海餐厅，小上海嘅口味我比较钟意！清淡啲~ 我屋企次次去必食鱼头汤、咸春卷、醉鸡脚同甜春卷，有时会叫埋海蜇。
鱼头汤：饮鱼汤我最怕鱼汤腥！小上海嘅就只有鲜味，正！仲有一条条透明嘅粉（我唔知正确叫乜名），好饱肚！
咸春卷：里面竟然只系包菜（问过老板娘系咩菜，不过唔记得 lu），但唔知点解咁好味？！？！
醉系列：首选系鸡脚，因为入味啲。我老豆最钟意食醉鸡肾。
海蜇：我钟意买返屋企雪一晚先食，因为会入味啲同冻啲~
甜春卷：里面系红豆，即叫即炸，唔好等到食完正餐先叫呀！唔会太甜，好味。
如果自己一个人食呢，必点煨面~ 差不多我一入去，所有人都知我实系叫煨面哈哈~ 有时想食酸辣，平时我会叫多个酸辣汤自己捞煨面食。但份量实在太多，分两餐食又惊啲煨面会烂。所以我嘅 hidden menu 系酸辣鸡/云吞煨面。老板娘特登整俾我架，呢啲就系小店窝心嘅地方。
有时老板娘自己整嘢俾自己食，又会俾我哋食，唔收钱架~ 佢整嘅糯米饭好好食，可惜佢唔卖！佢上次返上海，带咗啲新鲜年糕返香港，炒俾我哋食，连平时唔食年糕嘅我都食唔停！又系好可惜，平日提供嘅年糕始终比唔上。
价钱实惠，食物又有质素，服务又好，系我一直支持嘅原因。喺西营盘嘅餐厅我都好少咁满意~ 其实我第一次帮衬系食猪排菜饭，猪排干得滞菜饭又唔够热，所以到而家我都冇再食过呢两样嘢哗哈哈！
烤麸、狮子头我都钟意食，不过就少食。因为一个人食碗煨面已经 ko 咗，同屋企人食，佢哋又唔钟意食呢两味。差啲唔记得讲，记住饮豆浆~ 感觉更圆满 ^^
希望老板、老板娘如果睇到我呢篇咁详细嘅报导，下次帮衬会送啲嘢俾我食啦哗哈哈~
张贴